المقادير:
صدور دجاج مخليه-زبادى-بصل-ثوم-ملح-فلفل اسود-شطه-ليمون-فلفل أخضر-ملعقه صغيره خل-بقسماط-فيجيتار-بهارات كفته او بهارات حواوشى-سمسم -بيض-زيت للتحمير
الطريقه:
نجيب صدور الفراخ ونقسم الصدر الواحد نصين وياريت تكون الصدور مخليه من العضم وبعدين نتبلها بالزبادى والملح والفلفل الاسود ونعصر عليها الليمون وملعقه الخل الصغيره ونقطع معاها الفلفلايه الخضره هتضيف طعم ونسيبها فى التلاجه لو هتاكلوها باللليل سيبوها من الصبح أو ممكن تسيبوها بالليل فى التلاجه لحد تانى يوم يبقى أحسن
بعد كده لو مفيش متوفر بقسماط ممكن تجيبوا عيش ناشف وتحطوا عليها البهارات اللى تحبوها وكل ما كترتوا البهارات كل ما يتميز الطعم معاكم وفى كبه الخلاط اضربوا الخلطه دى علشان التوابل تدخل فى بعضها ومتنسوش الشطه
بعدين نشيل الصدور من التتبيله وبعد ما تضربوا البيض تغطوا الصدور بالبيض وبعدين تغطوها خالص بالبقسماط اللى عملناه واللى ضفناله السمسم بعد ما ضربتوه فى الكبه وبعدين هتحمروا الصدور فى زيت غزير و يكون ساخن ويسلام لو معلقتين زبده ساحوا مع الزيت هيضيفوا للطعم ولما تتحمر الصدور تتكون جاهزه للأكل بعد ما تصفوها على ورق
وبالهنا والشفا