المكونات:
بتنجان-لحمه مفرومه-بصله-زيت -3 ملاعق سمن -2كوب لبن-4 ملاعق دقيق-ملح-فلفل-جبنه رومى
الطريقه:
أقلى البتنجان فى الزيت ونشيله على جنب
نعصج اللحمه المفرومه المقدار اللى تحبوه طبعا بتعصجوها بانكم تحطوا ملعقه سمن فى مقلايه مثلا وتنزلوا عليها باللحمه بعد ما نبشر عليها البصله ونتبلها بالملح والفلفل والشطه لحد ما اللحمه تنزل مايتها وتنشف ونشيلها على جنب
البشاميل :
حله فيها 3 ملاعق سمنه وننزل عليهم ب 4 ملاعق دقيق ونحمرهم وننزل بال 2 كوب لبن وذره الملح ونقلب بالملعقه بسرعه من غير ما توقفى ايدك علشان الدقيق ما يكلكعش ويبقى البشاميل خفيف
بعدين نجيب صينيه ندهنها بملعقه صغيره سمن ونحط طبقه بتنجان وبعدين اللحمه المفرومه وبعدين طبقه بتنجان وبعدين البشاميل تفردوه عليها وبعدين بئى نبشر على الوش جبنه رومى وندخلها الفرن لحد ما تحمر
و؟؟؟؟؟؟؟؟؟؟؟؟؟؟؟؟