موضوع: نكتة على ما اوسم الأحد 20 يوليو 2008 - 7:54
بلدياتنا فتح محل انابيب غاز .. فجّر اسطوانتين فى وسط البلد .. دعاية .......................... واحد غبي بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية .......................... مرة واحد كان نفسه يعمل حاجة الناس تفتكره بيها ففكر انه يعلم نملة الباليه وفعلا جاب النملة ونجح فى تعليمها.... وقال يا ترى مين يقدر الفن ده قرر انه يعرضها على الاطفال فقابل ولد وسأله اسمك ايه ؟ قال محمد... قال الراجل ايه دى ... قال الولد :دى نملة وفعصها باصبعه.... الراجل اتجنن وقعد فى المستشفى سنين كتيره... المهم علم نملة تانية الباليه.... وقال المرة دى نعرضها على الشباب بيفهم أكتر فراح لشاب و سأله اسمك ايه قال :محمد قال الراجل :ايه دى قال الشاب: قلتلك من عشرين سنة ان دى نملة وبرضه فعصها باصبعه ......................... بلدياتنا سافر امريكا واصحابه نصحوه ياخد معاه 3 زلع مش علشان الاكل الامريكانى مش حلال بس نبهوه يسمى قبل ما ياكل احسن الشيطان ياكل معاه.اول شهر اكل اول زلعة بس نسى يسمى، تانى شهر برضه نسى يسمى، ثالث شهر طلع له الشيطان قال له:"ابوس ايد امك سمى، صدرى اتحرق ......................... واحد بلديتنا دخل على واحد صحبه لقاه بيلعب دومينو مع الحمار قاله ياراجل بتلعب دومينو مع الحمار قاله الحمار اللى مش عجبك ده غالبنى عشرين دور ......................... واحد بواب كل يوم ينزل ينادى على مراته ويقول لها : عاوزة حاجة قبل ما أروح الشغل فتقوله : لا يروح قاعد على الدكة ........................ واحد فشار بيحكي مغامراته لصاحبه الغلس الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها الغلس : يا كداب هو في الصحرة في عماره الفشار : اه اسف فضلت اجري اجري لغاية ما لقيت شجره طلعت فوقها الغلس : قال له يا كداب هو في الصحرة في شجره الفشار : اه اسف فضلت اجري اجري لغايه ما لقيت جراج دخلت فيه الغلس : يا كداب هو في جراج في الصحرة الفشار : فضلت اجري اجري لغاية ما أكلني ارتحت ؟ ........................ مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : درة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل درة وعمل له غرامه 1000 جنيه وبعد شويه وهو ماشي وقفته لجنه تموين تاني وقال له المفتش انت بتأكل الكتاكيت دي ايه قال له يا بيه انا كل يوم الصبح ادي كل كتكوت جنيه وهو ياكل اللي هو عايزه
تحياتي علوه
دنيا مشرف( مبروك ياعم المشرف مش عاوزين نوم)
عدد الرسائل : 407 تاريخ التسجيل : 07/06/2008
موضوع: رد: نكتة على ما اوسم الأحد 20 يوليو 2008 - 16:35
ههههههههههههههه
هههههههههههههههههه ههههههههههههههههه بجد ضحكت من قلبي تسلم علوة والله كنت مضايقة وانت رجعتلي البسمة تشكرا
بانسيه مشرف( مبروك ياعم المشرف مش عاوزين نوم)
عدد الرسائل : 777 العمر : 29 تاريخ التسجيل : 19/06/2008
موضوع: رد: نكتة على ما اوسم السبت 26 يوليو 2008 - 15:00
ههه
حقيقى مشكور
لفلى جيرل مشرف( مبروك ياعم المشرف مش عاوزين نوم)
عدد الرسائل : 878 تاريخ التسجيل : 26/07/2008
موضوع: رد: نكتة على ما اوسم الأربعاء 30 يوليو 2008 - 11:04
osam عضو نشط (لسه نشيط فين الامتياز؟)
عدد الرسائل : 47 تاريخ التسجيل : 08/06/2008
موضوع: رد: نكتة على ما اوسم الأربعاء 22 أكتوبر 2008 - 9:40
الله الله يا علوة
والله ضحكت من قلبي
Noweira Admin
عدد الرسائل : 1219 تاريخ التسجيل : 01/06/2008
موضوع: رد: نكتة على ما اوسم الأربعاء 22 أكتوبر 2008 - 10:34
تسلم يا جميل على الزياره ربنا يجعلها دايمه وماتركبش بعدها طياره ونبص مانشوفش اسمك الجميل عندنا هنا في استديو التحليل خليك جدع واصيل وشيل لنا الجميل احنا برضه من اولاد هذا الجيل مع التحيه يا اس علوه
موضوع: نكتة على ما اوسم 
الأحد 20 يوليو 2008 - 7:54
