جميله الاسماعيليه بالصوره دى بس فين موجوده بئى فى مصر يعنى
مصر دى غريبه غريبه أحلى ما فيها ناسها وبرده أوحش ما فيها ناسها
متقدرش تفهمها بس متقدرش غير انك تحبها
وزى ما جاهين قال كده عنها وعن كل شبر جواها
واول شبر طبعا الاسماعيليه كفايه ابو على ده اللى لما نجوع
نعمله رجوع بس يارب ما يطلعش زى المدير
والا اللى فاضل من العقل يطير
يالا مستنيين بقيت الفصل الاول
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
النخل في العالي والنيل ماشي طوالي معكوسة فيه الصـور .. مقلوبة وانا مالي يا ولاد أنا ف حالي زي النقش في العواميد زي الهلال اللي فوق مدنة بنوها عبيد وزي باقي العبيد باجري على عيالي باجري وخطوي وئيد من تقل أحمالي محنيه قامتي .. وهامتي كأن فيها حديد وعينيا رمل العريش فيها وملح رشيد لكني بافتحها زي اللي اتولدت من جديد على اسم مصر
|
|