(الخاطبه) مسابقه شعريه

Admin عدد الرسائل : 1219 تاريخ التسجيل : 01/06/2008

حبيت أشارككم اليوم معايا في حكاية الإخوان

بيقولولي

كُنّا في البيت ثلاث شُبّان

جت يوم ماما قالت لازم واحد يتــــــــــــــــــــزوج الآن

أنا وباباكم كبرنا وباباكم بذريــــــــــــتكم هيكون فرحان

طبعا بما إننا ولاد متربيين ومالنــاش في اللف والدوران

قلنا نسأل ( الخاطبه ) أكيد تعرف كام عروسه وبالعنوان

وفعلا جت ( الخاطبه ) وجايبه صور معاها كتــــير بالألوان

وشرطها الوحيد نعرف شغلة العروسه ونضعها في الحسبان

ممكن يا علوه تساعدنا وتفكر معانا لأن كل واحد فيـــنا حيران

بدوري نقلت لكم الرساله ساعدوني ولكم الفضل والاحسان

واتفضلوا آدي أول شغلانه أرسلوها ليَّ بالفاكس الآن

العروسه كُلِّيتها خمس سنوات وبتعدي فيهم باجتياز

وقبل ماتشتغل لازم تاخد ســـــــــنه كمان امتياز

وبعد ما تخلص سنتها هيجيلها التعيين في الحال

آي نعم هيكون شويه قليل فــيه المال

ولكنها ماشاء الله مفتوح امامها المجال

وممكن كمان تتعاقد وتسافر في الحال

وبص ودقق شويه في الصوره

هتلاقيها بتكتب وصفه لليد المكسوره

ياترى عرفتم ميــــن تكون ( الغندوره )

علوه

الطبيبة ياعلى
بس الطبيبة 7 سنين مش خمسة
ومنهم سنة الامتياز

Admin عدد الرسائل : 1219 تاريخ التسجيل : 01/06/2008

برافو يا فرحه

انا اختصرت سنين الكليه

عشان تطلع حلوه العمليه

وتئدر البنت تستلم بسرعه المهيه

والى لقاء اخر مع عروسه من اللي هي

علوه

Admin عدد الرسائل : 1219 تاريخ التسجيل : 01/06/2008

تاني فاكس وصل خلال هذه الثانيه

بيشرحولي فيه مواصفات شغلانة العروسه التانيه

عروستنا شغلتها تستحق الرياده

لأن ممكن يخرج من تحت إيدها جيل على غير العاده

لو أبنائها متفوقين بتـــكون في غاية الســـــعاده

ولو أبنائها متعثرين بتربط دماغها وتـشربها ساده

مهنتها مهنة تستاهل التبــــجيل

لازم تتناول فيها الشرح والتحليل

وتفضل تعيد وتزيد للشاطر والبليد كل نقطه بالتفصيل

ماشيــــه بمـــبدأ الثواب والعـــقاب

بتكافأ اللي حضر وتعاقب اللـي غاب

ياترى عرفتوا مين السـت الريــسه

علوه

طبعا المدرســــــة

قم للمعلم وفه التبجيلا كاد المعلم ان يكون رسولا

Admin عدد الرسائل : 1219 تاريخ التسجيل : 01/06/2008

ماشاء الله يا فرحه شطوره
هي فعلا المدرسه الأموره
انتظرك لحل القادم من فزوره
علوه

Admin عدد الرسائل : 1219 تاريخ التسجيل : 01/06/2008

اليوم وصلتــــــــــني هذه الرساله

قلت أعرضها عليكم لدراسة الحاله

يظهر إني هشتغل بدل الخاطبه وأترك الدلاله

ارسلت اليوم لي عروسه السيره الذاتيه

ولقيتها جامده ولا الــــــــــسيره الهلاليه

وقالت ياعلوه شوفلي عريس يملى عنيه

ياريت ماتروحوش بعيد الســيره اهه جايه

عروستنا تاريخ ميـلادها من الاف السنين

اسمها الحضاره القديمة او الجديده زي ما انتوا عاوزين

المهنه طبعا أنا حذفتها لتبحثوا عنها يا مفكرين

لمجال عملها ولمهنتها كل الطبقات محتاجين

وبشخبطتها تجد كل الــــــــــــعمال ملتزمين

ممكن تلاقيها مرميه على ســــــطح عماره

وممكن تلاقيها ماســـــــــــكه خريطه للحاره

وممكن تضيفلك لمسه جمالـيه ببالون وزماره

ياترى عرفتوا مين اللي شغلتها تفقع المراره

علوه[/b]

المهندسة ياعلى
وبكل جدارة
تلاقيها فوق العمارة
او واقفه فى الحارة
وليها فى الادارة
وفى الديكور اخر شطارة
وقلبها فى منتهى الجسارة
تقف مع العمال ولاشيخ الحارة
كفاية عليك كدة ولاانت عايز لك طبلة وزمارة
يلا مستنية اللى عليها الدور ولا ايه العبارة
دمت بكل خير
والله المستعان

Admin عدد الرسائل : 1219 تاريخ التسجيل : 01/06/2008

خد عندك ياسيدي

عروسه لقطه وقـــــعت في ايدي

استلمت الفاكس الوارد بالعروسه

بيوصف شغــــــــلانة المحروسه

بيقول بداية .. لازم تتعامل معاها بطـــريقه محسوسه

وتخلي بالك إن شجارك معها نتايجه سريعه وملموسه

ماتعرفش ابدا ابدا تشتغل في مكان بالكوسه

لأنها لو غلطت في المقادير هــــتبئى حوسه

تستلم منك وصفتك وتسلمهالك زي المكتوب

وعين ها على فلوسك وبكام سعر الوصفه محــــــــسوب

وياويلك لو فاصلت معاها هيكون عليك من المغضوب

فأحسن لك تدفع حتى لو هتكون على امرك مغلوب

ممكن وصفتها تريح معدتك وممكن نجدك ع المستشفى مسحوب

عايشه في دور الدكتور فرحات أبو عقل مــــــــــــــسلوب

وسلامتكم م الاه والدواء يساعد ع الـــــــــشفاء وهو المطلوب

واشوفكم في العروسه اللي جايه ومش عاوز حد يحدف بالطوب

علوه

لاتقولى الوصفة الفلانية ولا العلانية
اكيد اكيد دى الصيدلانية

Admin عدد الرسائل : 1219 تاريخ التسجيل : 01/06/2008

اكيد اكيد دى الصيدلانية

شطوره يافرح هي الصيدلانيه

يؤ يؤ يؤ
فين ياعلى موصفات العروسة
ولاجرابك فضى ياحاوى
ولا انت مش ناوى
تكمل مشوار الحكاوى
ولا اصبحت هاوى
و فضلت اعدة القهاوى
و بتكتب اليومين دول غناوى
منتظرين الجديد
وانشالة تكون سعيد
وعمرك يكون مديد
وماتمد ابدا الايد
دمت بخير

Admin عدد الرسائل : 1219 تاريخ التسجيل : 01/06/2008

والله يافرح فيه العديد والعديد

شخصياتي كتير وبتفيد

بس العتب ع الاعضاء اللي مش بتريد

وانتظري مني ان شاء الله المزيد

علوه

Admin عدد الرسائل : 1219 تاريخ التسجيل : 01/06/2008

بشرى ساره لكل البنات

اسمعوا واعوا يا حضرات

جالي دلوقتي هذا الـفاكس

من حظكم جالي بالعــكس

أرسلوا لي مهـــــنة شـاب

واستطعت أحجزه لصاحبة المُصاب

وتبئى تحتسب عـند الله ولا عـتاب

صاحبنا واقف زي الاســـدع الــطاوله

يادوب ما ملاحق ع الـــناس مـــناوله

ف إيده سكينه ســــبحان من صـــور

بيشق بيها الطـــــــويل والـــــــمدور

وبيعبي اللي يشقه بالسائل والمكور

يوصلك لحد عندك طلبك والطرشــي من غير ما تدور

وياسلام لو صبح مشهور .. من الزحـــمه عليه تتعور

كان منه في اسماعيليه (ريشه) لازم تصبر وما تتهور

ولو أدمنت الفول لا هـ تعرف تتــــــــعلم ولا هـ تتنور

ياترى عرفتم مين يكون صاحب فاكــــــسي الــمزور

علوه

أأقول الحل والا بلاش النا بره اللعبة

علشان لو قلت الحل أبقى غشاش

هههههههههههههههههههه

انا عرفته

هات خمسه جنيه استرليني وانا اقولك

Admin عدد الرسائل : 1219 تاريخ التسجيل : 01/06/2008

sendbad كتب:: انا عرفته

هات خمسه جنيه استرليني وانا اقولك

شوف يا سندو مش عاوز لا وردك ولا فلك